Policia e Kosovës ka njoftuar se të dielën në Prizren është raportuar se një shtetas i Shqipërisë është gjetur pa shenja jete.
Rasti është cilësuar si vdekje e dyshimtë.
Në vendin e ngjarjes thuhet se kanë dalë njësitë relevante të policisë dhe ekipi mjekësor, ku nga mjeku është konstatuar vdekja e viktimës.
Me urdhër të prokurorit trupi i pajetë thuhet se është dërguar në Institutin e Mjekësisë Ligjore për obduksion.
Rasti është duke u hetuar.