Një person është goditur për vdekje nga treni në Pejë. Rasti ka ndodhur mëngjesin e së hënës derisa treni ishte nisur nga Peja në drejtim të Fushë Kosovës.
Rastin për KOHËN e ka konfirmuar zëdhënësi i Policisë së Kosovës për rajonin e Pejës, Fadil Gashi.
“Rreth orës 05:32, teksa treni ishte nisur nga Peja në drejtim të Fushë Kosovës, ka goditur një person, i cili si pasojë e lëndimeve të marra ka humbur jetën në vendngjarje. Menjëherë pas njoftimit, në vendin e ngjarjes kanë dalë njësitet e Policisë së Kosovës dhe ekipi i Urgjencës së Pejës. Mjeku kujdestar ka konstatuar vdekjen e viktimës”, thuhet në njoftim.
Rrethanat në të cilat ka ndodhur rasti, po hetohen nga organet përkatëse.
Pas aksidentit ndërmarrja publike “Trainkos” ka njoftuar se ka anuluar qarkullimin e trenave me numër 760 dhe 4201 në relacionin Pejë – Prishtinë dhe anasjelltas.
