Gjykata Themelore në Prishtinë ka caktuar masën e paraburgimit kundër I.S. për veprën penale “Vrasje e Rëndë në Tentativë” dhe veprën penale “Mbajtje në Pronësi, Kontroll ose Posedim të Paautorizuar të Armëve”.
Ndaj tij është caktuar masa e paraburgimit prej një muaji me fillim prej 3 shkurtit 2018.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoI.S. dyshohet se më 19 nëntor 2017 në lagjen “Ulpiana” në Prishtinë kishte shtënë me armë zjarri ndaj të të dëmtuarve A.F. dhe K.U. duke i plagosur të dy. Në atë kohë ishte raportuar se plagosja kishte ardhur për shkak të një borxhi.
“Gjykata ka konstatuar se ekzistojnë rrethanat që tregojnë rrezikun se nëse i pandehuri gjendet në liri mund të fshihet, të arratiset me qëllim të shmangies nga përgjegjësia penale dhe kërkesa për caktimin e masës së paraburgimit ndaj të pandehurit I.S është masë adekuate dhe e domosdoshme në këtë fazë të procedurës penale, për sigurimin e pranisë të të pandehurit në procedurë penale dhe zhvillimin e pa penguar të procedurës, thuhet në njoftim.
Pala ka të drejtë ankese kundër këtij vendimi në Gjykatën e Apelit të Kosovës.