Edon Zhegrova është kthyer në fushën e lojës pas gjashtë muajsh.
Por jo për ndeshje kualifikuese me Kosovën, apo me skuadrën e Lillet.
Ai të mërkurën mbrëma në “Fadil Vokrri” ka qenë i pranishëm në “Ndeshjen e Yjeve”, mes ekipit të tij dhe Milot Rashicës në anën tjetër. Zhegrova dhe Rashica kanë përzgjedhur lojtarët.
“Ndeshja e Yjeve” organizohet në çdo vjet nga Komuna e Prishtinës, në nder të Ditës së Çlirimit të Prishtinës.
Zhegrova për herë të fundit me Lillen francez ka luajtur më 14 dhjetor të vitit të kaluar.
Ishte paraqitur vetëm një pjesë në takimin kampional ndaj Marseillet.
26-vjeçari ka pasur probleme me muskujt aduktorë. Zhegrova këtë lëndim pritej ta sanonte për pak javë, por ai doli të jetë shumë serioz.
