(Përditësuar 17:30) - Thiago Motta më nuk është trajner i Juventusit. Klubi i madh nga Torino këtë e konfirmoi të dielën pasdite.
“Klubi dëshiron ta falënderëojë Thiago Mottan dhe gjithë stafin e tij për profesionalizmin dhe për punën që e ka bërë në muajt e kaluar me pasion dhe dedikim. Klubi u dëshiron çdo të mirë në të ardhmen”, shkruan në komunikatën e Juventusit.
Drejtuesit e Juves nuk janë të kënaqur me rezultatet e skuadrës dhe vendosën të ndryshojnë trajnerin.
Kroati Igor Tudor është trajner i ri i Juventusit. Ai fillon punën të hënën.
46-vjeçari Tudor ka drejtuar Hajdukun, PAOK-un, Karabuksporin, Udinesen, Veronan, Marseillen e Lazion.
Edhe
Juventusi e shkarkon trajnerin
Juventusi aktualisht është i pesti në Serie A. Është eliminuar nga garat tjera.
Tudori pritet ta zëvendësojë Mottan te Juventusi
Për teknikun brazilian, Thiago Motta, ndeshja ndaj Genoas më 29 mars mund të jetë e fundit në krye të shtabit teknik të gjigantit italian, Juventus.
Motta së shpejti pritet të shkarkohet nga posti i trajnerit të Juventusit.
“Zonja e Vjetër” pritet ta emërojë kroatin Igor Tudor trajner të ri të skuadrës.
Edhe
Tudori më në fund shkëput kontratën me Juventusin
Juventusi është eliminuar nga Liga e Kampionëve dhe Kupa e Italisë kurse dështoi në Superkupë të Italisë.
Në Serie A pas 29 ndeshjeve të zhvilluara ka 52 pikë dhe renditet në pozitën e pestë.
Juve po lufton për një vend që dërgon në Ligën e Kampionëve në edicionin e ardhshëm, por kjo nuk mjafton për drejtuesit e klubit.
Mediumet italiane kanë raportuar të dielën se 46-vjeçari Tudor do të nënshkruajë kontratë deri në fundin e edicionit aktual, me opsionin e vazhdimit.
Tudor së fundi e ka drejtuar Lazion për tre muaj.
Edhe
Juventusi zyrtarizon Spallettin
Ai më herët ka punuar edhe si ndihmëstrajner te Juventusi.
Ka drejtuar edhe skuadra si Marseille, Verona, Galatasaray, Udinese dhe Hajdukun e Splitit.
