Mediumi zviceran “4-4-2” ka publikuar një shkrim për formën e mirë që po kalojnë dy sulmuesit e Kosovës, Vedat Muriqi te Mallorca në La Liga dhe Fisnik Asllani te Hoffenheimi në Bundesligë.
“Dy nga sulmuesit më në formë në Evropë luajnë për Kosovën”, është titulli i shkrimit të mediumit zviceran, para ndeshjes që Kosova e luan më 26 mars ndaj Sllovakisë në Bratislavë.
“Një fitore do t’i shihte kosovarët të takoheshin ose me Turqinë ose me Rumaninë në finalen e eliminatoreve. Shpresa të mëdha varen te dy sulmuesit në formë të mirë që kanë shkëlqyer në ligat kryesore këtë sezon - Vedat Muriqi dhe Fisnik Asllani”, shkruan “4-4-2” të martën.
Muriqi për shumë vjet ka udhëhequr sulmin e Kosovës. Përkrah Muriqit te Kosova me shumë sukses së fundmi po luan edhe Fisnik Asllani.
