Një polic ka humbur jetën dhe një tjetër është plagosur pas shpërthimit të një çante shpine në qytetin Oviedo, në veri të Spanjës.
Shpërthimi ka ndodhur të martën në mëngjes, kur pjesëtarët e Njësisë Speciale K9 të Policisë Spanjolle mbërritën për të kontrolluar një çantë shpine të dyshimtë, ka njoftuar policia.
Policia spanjolle i ka bërë homazhe efektivit, i identifikuar si Juan José, përmes një deklarate në rrjetin social X, ku shkroi: “Zemrat tona janë me familjen, miqtë, kolegët dhe të gjithë të dashurit e tij”.
Sipas mediave lokale, policët e kishin gjetur çantën e shpinës pasi kishin mbërritur në vendngjarje për të trajtuar një incident tjetër.