Futbollisti i Celjes, Milot Avdyli, është fishkëllyer në disa raste nga një numër i vogël i shikuesve në stadiumin “Fadil Vokrri” në Prishtinë. Avdyli shënoi golin e dytë në fitoren 3:2 të Celjes ndaj Dritës.
“I kuptoj tifozët. Kam qenë shqitari i vetmë. E kam ditur se do të fishkëllehem. Më ka folur edhe trajneri dhe gjithë lojtarët më kanë mbështetur”, ka thënë Avdyli.
Për Avdylin goli ndaj Dritës ishte i pari me fanellën e Celjes.
“Është goli i parë me Celjen dhe është dyfish më i mirë”, është shprehur Avdyli.
Ai ka thënë se paraqitja në Prishtinë ishte e veçantë.
Edhe
Avdyli, kampion i Sllovenisë me Celjen
“Kam pasur dëshirë të kthehem në vendin ku jam rritur dhe kam luajtur 18 vite. Kam pasur dëshirë të më shoh familja nga afër. Ka qenë një ndeshje speciale. Ka qenë ndjenjë e mirë të fitosh pas dy humbje”, ka theksuar Avdyli.
Avdyli më herët ka qenë kapiten i Kosovës U21 në futboll.
