Drita është shokuar në minutën e 100-të të ndeshjes në udhëtim te Dukagjini.
Granit Elezaj në minutën e 10-të të kohës shtesë shënoi për 1:1.
Me golin e Elezajt u mbyll edhe i gjithë takimi.
Drita ishte duke udhëhequr deri në minutat e fundit të ndeshjes me autogolin e Vitor Hugos.
Por nuk e ka ruajtur epërsinë e krijuar, dhe e mori vetëm një pikë nga ky ballafaqim.
Edhe
Ndalet Llapi, Ballkani drejt titullit
Me vetëm një pikë të fituar nga ky udhëtim, Drita humb hapin për titull kampioni me Ballkanin dhe Llapin.
Drita mbetet në pozitën e tretë me 59 pikë, dy më pak se Llapi i vendit të dytë dhe katër më pak se Ballkani lider.
Dukagjini me 39 pikë zë vendin e gjashtë në tabelë.
Në kuadër të xhiros së 32-të, Dukagjini udhëton te Ballkani ndërsa Drita e pret Fushë Kosovën.
Llapi fiton me golat e Hysenit
Muhamet Hyseni ka shkëlqyer për Llapin të dielën në stadiumin e Ramiz Sadikut në Prishtinë.
Llapi e mposhti Prishtinën me rezultatin 2:0, në ndeshjen e vlefshme për xhiron e 31-të të Superligës së Kosovës në futboll. Të dy golat i shënoi sulmuesi Hyseni.
Ai realizoi për 1:0 në minutën e 13-të dhe për 2:0 në minutën e 81-të. Të dy golat u konfirmuan pas rishikimit të VAR-it.
Me fitore Llapi vazhdon garën për titull të kampionit. I ka 61 pikë në vendin e dytë, dy më pak se lideri Ballkani.
Prishtina renditet e pesta me 43 pikë.
Ballkani fiton dhe mbetet lider
Kampioni i dy edicioneve të fundit në elitën e futbollit të Kosovës, Ballkani, ka fituar të dielën në udhëtim te Gjilani dhe mbetet në vendin e parë në Superligë.
Ballkani fitoi 2:0 në ndeshjen që u zhvillua në terrenin me bar sintetik në Gjilan, me dy gola të shënuar në pjesën e dytë.
Nazmi Gripshi në minutën e 49-të dhe Lumbardh Dellova në minutën e 81-të, i shënuan golat e fitores për skuadrën që drejtohet nga trajneri Ilir Daja.
Ballkani lider ka 63 pikë, dy më shumë se Llapi e Drita.
Gjilani është i shtati me 34 pikë, aq sa ka edhe Feronikeli 74 në vendin e tetë, përkatësisht atë që dërgon në barazh.
Në xhiron e 32-të, Ballkani luan në shtëpi kundër Dukagjinit, teksa Gjilani udhëton te Malisheva.
Edhe
Drita thellon krizën e Llapit
Edhe një tjetër gol në Gjilan
Ballkani është shumë afër që të marrë pikët e plota pasi e ka dyfishuar epërsinë me Lumbardh Dellovën.
Qendërmbrojtësi i suharekasve mposhti portierin e Gjilanit, Aridon Bllaca, me gjuajtje të saktë nga zona në minutën e 81-të.
Zhbllokohet sfida në Gjilan
Nazmi Gripshi në minutën e 49-të e ka kaluar në epërsi Ballkanin në udhëtim te Gjilain.
Gripshi, i cili e realizoi golin e 14-të të edicionit aktual, shënoi me gjuajtje të saktë nga zona.
Gjilani dhe Ballkani kanë barazuar në pjesën e parë pa gola.
Ndeshja e xhiros së 31-të e elitës së futbollit kosovar po luhet në terrenin me bar sintetik në Gjilan, ndërsa kanë munguar rastet në 45 minutat e para.
Drita ndërkohë është duke fituar në udhëtim te Dukagjini në stadiumin “18 Qershori” në Klinë me rezultatin 1:0.
Me rezultatin 1:0 po udhëheqë edhe Llapi në udhëtim te Prishtina.
Ndeshja Prishtina – Llapi po luhet në stadiumin e Ramiz Sadikut.
Drita në epërsi në Klinë
Drita ka kaluar në epërsi 1:0 ndaj Dukagjinit në Klinë.
Lojtari i Dukagjinit, Vitor Hugo, realizoi autogol në minutën e 36-të.
Llapi në epërsi ndaj Prishtinës
Llapi ka kaluar në epërsi 1:0 ndaj Prishtinës në ndeshjen në stadiumin e “Ramiz Sadikut”.
Muhamet Hyseni shënoi gol të bukur në minutën e 13-të.
Edhe
Prishtina e Gjilani luajnë për “Evropë”
Ndeshja i takon xhiros së 31-të të Superligës së Kosovës në futboll.
Po zhvillohen edhe ndeshjet Dukagjini – Drita e Gjilani – Ballkani.
