Me ndeshjen që u zhvillua të premten ndërmjet Bayern Munchenit dhe RB Leipzigut ka filluar edicioni i ri i Bundesligës gjermane. Bayerni është fitues në fuqi i kampionatit gjerman.
Të shtunën do të luhen gjashtë ndeshje, kurse të dielën dy.
Nënkampioni gjerman, Bayer Leverkuseni, nga ora 15:30 e pret në shtëpi Hoffenheimin. Leverkuseni ka bërë ndryshime të mëdha në skuadër.
Ka liruar futbollistë të rëndësishëm, si Granit Xhaka, Florian Wirtz, Jeremie Frimpong e Amine Adli. Ka bërë ndryshime edhe në shtabin teknik. Leverkusenin në edicionin 2025/26 do ta drejtojë tekniku holandez, Erik ten Hag.
Ten Hag e zëvendësoi Xabi Alonson i cili u largua nga Leverkuseni dhe tashmë e drejton gjigantin spanjoll, Real Madrid.
Edhe
Bundesliga me mbyllje të zjarrtë, “në lojë” Championsi dhe rënia nga liga
Pavarësisht largimeve, Leverkuseni e ka vazhduar punën për kompletimin e skuadrës për edicionin e ri ku ka transferuar edhe disa futbollistë, si Jarell Quansah, Loic Bade, Claudio Echeverri e Ernest Poku.
Ndërsa, pjesë të Hoffenheimit janë dy futbollistët shqiptarë, Fisnik Asllani dhe Leon Avdullahu.
Të dy futbollistët mund të luajnë nga minuta e parë ndaj Leverkusenit.
Avdullahu te Hoffenheimi u transferua në afatin kalimtar të kësaj vere nga Baseli për tetë milionë euro. Asllani së fundi e vazhdoi kontratën me Hoffenheimin deri në verën e vitit 2029. Asllani edicionin e kaluar ishte pjesë e Elversbergut në formë huazimi ku shkëlqeu në kategorinë e dytë të futbollit gjerman.
Të shtunën nga ora 18:30 luan edhe Borussia Dortmundi. Dortmundi do të jetë mysafir i St. Paulit.
Edhe
Bayernin e pret derbi në Leverkusen
Dortmundi edicionin e kaluar përfundoi në pozitën e katërt me 57 pikë.
Ndeshja që zhvillohet të dielën nga ora 17:30 ndërmjet Borussia Monchengladbachut dhe Hamburgut përfundon edhe xhiroja e parë e edicionit 2025/26 në elitën gjermane të futbollit.
