Futbollistët e Kosovës U21, do ta kenë një përballje të vështirë të martën mbrëma.
“Dardanët” e rinj përballen me Spanjën në Madrid.
Ndeshja ndërmjet Spanjës U21 dhe Kosovës U21, që zhvillohet nga ora 19:00, i takon kualifikimeve për Evropianin 2027 që organizohet nga Shqipëria dhe Serbia.
Është ndeshja e shtatë e Grupit A.
Pas disfatës të premten nga Rumania U21, Kosovës U21 i janë zbehur shumë gjasat për kualifikim në Evropianin e përbashkët Shqipëri – Serbi.
Kosova zë vendin e katërt me tetë pikë, kurse Spanja ka dhjetë pikë më shumë në vendin e parë. Finlanda është e dyta me 13 pikë, derisa në pozitën e tretë është Rumania U21 me 10 pikë.
Qiproja zë vendin e pestë me tre pikë, derisa në vendin e fundit pa pikë është San Marino.
