Cristian Chivu do të jetë trajner i ri i Interit. Marrëveshja është e vlefshme deri në verën e vitit 2028, ka njoftuar eksperti i transferimeve, Fabrizio Romano të premten.
Palët tashmë janë pajtuar, ndërsa Chivu largohet nga Parma për ta zëvendësuar Simone Inzaghin tek Interi.
Kandidat ishte edhe Cesc Fabregas, por u vendos për Chivun.
Rumuni 44-vjeçar tek Interi ka udhëhequr grupmoshat e reja, para se të merrte drejtimin e Parmas më 18 shkurt të këtij viti.
Si lojtar ka bërë karrierë në skuadra rumune e më pas tek Ajaxi, Roma dhe Interi.
Inzaghi u largua nga Interi për të nisur punë në Arabi Saudite. E udhëhoqi skuadrën italiane drejt disa trofeve dhe në dy finale të Championsit.
