Mbrojtësi i Kosovës, Lumbardh Dellova, ka refuzuar rinovimin e kontratës me CSKA Sofjen.
Ai me skuadrën bullgare ka kontratë deri në vitin 2027.
Kontrata e Dellovës përfshinë një klauzolë lirimi, e cila është 950 mijë euro, gjë që e bën atë lojtar atraktiv për tregun e transferimeve.
“Klubi po i ofron kosovarit një kontratë të re me kushte pak më të mira për të, por pa klauzolë lirimi. Por ai refuzon të nënshkruajë dhe kjo mund ta detyrojë trajnerin Hristo Yavan ta lërë në stol”, shkruan mediumi bullgar, “Actualno”.
Dellova iu bashkua në vitin 2024 klubit bullgar nga Ballkani.