Skuadra e Arsenalit të martën u mposht 1:0 nga Paris Saint-Germaini në gjysmëfinalen e parë të Ligës së Kampionëve.
“Topçinjtë” të shtunën kanë pësuar disfatë edhe në Premier League.
Në kuadër të javës së 35-të, Bournemouthi fitoi ndaj Arsenalit në udhëtim me përmbysje të rezultatit 2:1.
Declan Rice i kaloi në epërsi vendësit në minutën e 34-t.
Mysafirët i realizuan dy gola në pjesën e dytë për fitoren shumë të rëndësishme.
Dean Huijsen i barazoi shifrat në minutën e 67-të kurse tetë minuta më pas Evanilson e realizoi golin e fitores.
Arsenali mbetet në pozitën e dytë me 67 pikë. Titullin e kampionit tashmë e ka siguruar Liverpooli që është në vendin e parë me 82 pikë.
Bournemouthi e zë vendin e tetë me 53 pikë.
Deri në fund të kampionatit kanë mbetur edhe tri xhiro.
