Presidentja e Kosovës, Justina Shiroka Pula, është takuar me një delegacion të Rrjetit të Grave të Kosovës (RrGK), të kryesuar nga Nermin Mahmuti, kryetare e Bordit të RrGK-së.
Përfaqësueset e RrGK-së shprehën gatishmërinë për bashkëpunim në mbrojtjen dhe avancimin e të drejtave të grave.
Në takim përfaqësuese të këtij rrjeti kanë propozuar përfshirjen e femicidit në Kodin Penal.
“Në takim u diskutua për masat konkrete që duhet të ndërmerren për parandalimin e dhunës ndaj grave dhe vrasjeve të tyre. Përfaqësueset e RrGK-së propozuan përfshirjen e femicidit në Kodin Penal, fuqizimin e mekanizmave për mbrojtjen e viktimave, fuqizimin ekonomik, si dhe rritjen e buxhetit për punëtorët socialë dhe shërbimet e specializuara për mbrojtjen e grave”, thuhet në njoftimin e Presidencës.
Sipas njoftimit, Presidentja Shiroka Pula vlerësoi rëndësinë e punës së RrGK-së dhe të organizatave të shoqërisë civile në adresimin e dhunës ndaj grave.
“Ajo shprehu gatishmërinë për të mbështetur përpjekjet e tyre, duke theksuar nevojën për veprime konkrete, koordinim institucional dhe angazhim të vazhdueshëm për të garantuar sigurinë dhe të drejtat e grave”, thuhet tutje në njoftim.
-
Rrjeti i Grave kërkon përfshirjen e femicidit në Kodin Penal
-
Shiroka-Pula: Kërkohet fuqizim ekonomik i grave
-
Shiroka-Pula siguron kryetarët e komunave se do t’i mbështesë brenda kompetencave të saj
-
Shiroka-Pula kërkon përkrahjen e Zvicrës për anëtarësimin e Kosovës në organizata ndërkombëtare
-
Sijarina pas takimit me kryeprokurorin: S’tërhiqemi derisa akterët që çuan Arlindën drejt vrasjes të burgosen