Zelensky: Do ta pres Putinin, nëse s’vjen ai s’e dëshiron fundin e luftës

Presidenti ukrainas, Volodymyr Zelensky, u ka thënë gazetarëve se do të udhëtojë për në Turqi të enjten për të takuar presidentin turk, Recep Tayyip Erdogan dhe për të pritur nëse presidenti rus Vladimir Putin vendos të bashkohet me ta për bisedimet e paqes.

Zelensky ka thënë se për shkak se "absolutisht gjithçka në Rusi" varet nga Putini, e vetmja mënyrë për të siguruar një armëpushim dhe një fund të luftës është përmes bisedimeve të drejtpërdrejta me të, raporton Reuters.

“Nëse Putini nuk arrin dhe luan lojëra, është pika e fundit që ai nuk dëshiron t'i japë fund luftës”, ka thënë Zelensky.

Megjithatë, presidenti ukrainas ka këmbëngulur se do të bënte "gjithçka për të siguruar që ky takim të zhvillohet”.

Zelensky ka shtuar se nëse bisedimet dështojnë, ai do të presë "sanksione të forta" nga Shtetet e Bashkuara dhe Bashkimi Evropian, pasi kjo do të tregonte se Rusia nuk është gati për diplomaci.