Kryeministrja e Zelandës së Re, Jacinda Ardern, ka premtuar se do të ashpërsojë ligjet kundër terrorit pas sulmit me thikë në Auckland nga një person që ishte në mbikëqyrje policore.
I dyshuari nga Shri Lanka theri me thikë shtatë persona në një supermarket të qytetit më të madh në Zelandën e Re. Terroristi i njohur si përkrahës i ISIS-it është vrarë nga policia në vendin e ngjarjes.
Kryeministrja e Zelandës së Re ka thënë se në fund të shtatorit do të bëjë ndryshimet në ligjet kundër terrorizmit, të cilat, sipas saj, do të përkrahen edhe nga parlamenti.
