-
Përktheu:
Flutura Gashi-Mehmeti
- 23 tetor 2024 20:15
- Shpërndaje në:
Lideri i Bjellorusisë, Aleksandër Lukashenko, ka deklaruar se përfshirja e trupave të Koresë së Veriut në luftën në Ukrainë, do të nënkuptonte përshkallëzim të konfliktit.
Në një intervistë për BBC-në, në kuadër të samitit të BRICS-it që po mbahet në Kazan të Rusisë, Lukashenko ka thënë se trupat e NATO-s do të mund të dislokoheshin në Ukrainë, në përgjigje të hyrjes së trupave të një vendi tjetër atje.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Do të ishte një hap drejt përshkallëzimit të konfliktit nëse forcat e armatosura të ndonjë vendi, qoftë edhe Bjellorusisë, do të ishin në vijën e kontaktit. Edhe sikur të përfshiheshim në luftë, kjo do të ishte një rrugë drejt përshkallëzimit. Pse? Sepse ju, anglo-saksonët, do të thoni menjëherë se një vend tjetër është përfshirë nga njëra anë, kështu që trupat e NATO-s do të dislokoheshin në Ukrainë”, është shprehur Lukashenko.
Ai ka shtuar se duke njohur karakterin e presidentit rus, Vladimir Putin, ai kurrë nuk do të përpiqej të bindte një vend tjetër që të përfshijë ushtrinë e tij në operacionin special të Rusisë në Ukrainë.
Sipas tij, Putini asnjëherë nuk e ka kërkuar përfshirjen e trupave bjelloruse në luftë.
LEXO EDHE: