Reagimi ironik i Ukrainës: Luftanije ruse, çfarë do të fundosësh?

Rusia e ka konfirmuar të enjten mbrëma se është fundosur luftanija e saj luftarake “Moskva” në Detin e Zi, disa orë pasi siç tha, “pësoi një dëmtim të madh nga një shpërthim”.

I menjëhershëm ka qenë reagimi i qeverisë ukrainase, e cila përmes një postimi në Twitter ka pyetur në formë ironike se çfarë po planifikonte të fundoste luftanija.

“Luftanije ruse, çfarë do të fundosësh?”, thuhet në postimin e qeverisë ukrainase.

Sipas Ministrisë së Mbrojtjes së Rusisë, anija u fundos rrugës teksa po tërhiqej për ta çuar në një port të sigurt.

Ukraina ndërkohë pretendon se ushtria e saj e fundosi me dy raketa “Neptun”.