-
Përktheu:
Flutura Gashi-Mehmeti
- 20 maj 2025 20:42
- Shpërndaje në:
Zëdhënësi i OKB-së, Stephane Dujarriq, ka thënë se të martën në Gazë nuk është shpërndarë asnjë ndihmë humanitare.
Në konferencën e tij të përditshme për shtyp, Dujarriq ka folur për disa ndërlikime rreth procesit të shpërndarjes.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoOKB-ja ka njoftuar më herët të martën se Izraeli kishte lejuar rreth 100 kamionë me ndihma të kalonin kufirin pas një bllokade 11-javore.
Megjithatë, Dujarriq ka thënë se ndonëse ndihma ka hyrë në Gazë, ajo ende nuk ka arritur në magazinat dhe pikat e dorëzimit të organizatës.
Ai e ka përshkruar procesin si një "operacion të komplikuar".
“Autoritetet izraelite po na kërkojnë që të shkarkojmë furnizimet në anën palestineze të vendkalimit Kerem Shalom dhe t'i ngarkojmë ato veçmas pasi të sigurojnë hyrjen e ekipeve tona nga brenda Rripit të Gazës. Vetëm atëherë ne jemi në gjendje të sjellim çdo furnizim më afër vendit ku janë strehuar njerëzit në nevojë”, ka sqaruar ai.
Ndërkohë, Izraeli ka deklaruar se 90 kamionë me ndihma kanë hyrë në Gazë të martën.