Kabineti i sigurisë i kryeministrit izraelit, Benjamin Netanyahu ka filluar të mbajë një mbledhje në të cilën pritet të miratohen planet për fazat e ardhshme të operacionit ushtarak në Qytetin e Gazës.
Mediat izraelite raportojnë se Netanyahu nuk do ta sjellë në mbledhje propozimin e fundit për një armëpushim 60-ditor në luftën në Gazë, që do të bënte të mundur edhe kthimin e rreth gjysmës së pengjeve që mbahen nga Hamasi.
Izraeli nuk e ka pranuar propozimin e fundit nga ndërmjetësit rajonalë - duke thënë se tani do të bjerë dakord vetëm për një marrëveshje gjithëpërfshirëse për të kthyer të gjithë pengjet dhe për t'i dhënë fund luftës sipas kushteve të saj.