Një tjetër xhiro, një tjetër pesëshe “amerikane” në Superligën e Kosovës në basketboll.
Federata e Basketbollit e Kosovës të hënën ka publikuar lojtarin më të mirë të xhiros së 17-të dhe pesëshen më të mirë.
Akili Vining i Trepçës është MVP i xhiros së zhvilluar në fundjavë. Ai udhëhoqi Trepçën drejt fitores ndaj Bashkimit, duke realizuar 23 pikë, nëntë asistime e dy kërcime.
Pos tij në pesëshen e xhiros janë edhe Scott Bamforth e Brandon Huffman të Yllit, Shaquan Jules i Borës dhe Khalil Dukes i Sigal Prishtinës.
Bamforth është amerikan, por ka edhe pasaportë kosovare.
