Policia e Kosovës dhe KFOR-i diskutojnë për aktivitete të përbashkëta, përfshirë veriun

Drejtori i Përgjithshëm i Policisë së Kosovës, Gazmend Hoxha ka pritur në takim komandantin e KFOR-it, Oezkan Ulutash.

Në njoftimin e lëshuar nga PK-ja, thuhet se shefi i Policisë dhe komandanti i KFOR-it kanë diskutuar lidhur me situatën e sigurisë në Kosovë.

Më tej bëhet e ditur se është folur edhe për aktivitetet e përbashkëta mes policëve dhe ushtarëve të KFOR-it, që reflektojnë situatën e sigurisë, si në zonat tjera ashtu edhe në veri të vendit.

“Në takim u konfirmua vazhdimi i bashkëpunimit të mëtejmë dhe avancimi i shkëmbimit të informacioneve në funksion të ruajtjes së një ambienti më të qetë dhe të sigurt për të gjithë qytetarët pa dallim. Pikë tjetër e diskutimeve ishin aktivitetet e përbashkëta në mes të PK-së dhe KFOR-it, të cilat reflektojnë në situatën e sigurisë në tërë vendin, përfshirë veriun”, thuhet në njoftim.