Gjykata Themelore në Prizren të premten ka caktuar nga një muaj paraburgim edhe për pesë të dyshuar për manipulimet me vota në këtë komunë gjatë zgjedhjeve të 28 dhjetorit.
Sipas njoftimit, A.Sh., I.B., B.S., dhe H.P., u është caktuar masa e paraburgimit nën dyshimin se secili veç e veç ka kryer veprën penale “falsifikim i rezultatit”.
Ndërkohë, N.B. dyshohet se ka kryer veprën penale “keqpërdorim i pozitës apo autoritetit zyrtar” (moskryerja me dashje e ndonjë detyre të domosdoshme të përcaktuar me ligj).
Masa e paraburgimit mund të zgjasë deri më 28 shkurt, ka thënë Gjykata.
Për manipulimet me vota në Prizren, aktualisht në paraburgim janë edhe 23 të tjerë të dyshuar.