Kryetari i Kuvendit të Kosovës, Glauk Konjufca, ka thënë se Beteja e Koshares është sinonimi më i mirë i betimit të ushtarit të Ushtrisë Çlirimtare të Kosovës.
Në seancën solemne të 25-vjetorit të Betejës së Koshares, Konjufca ka theksuar se thyerja e kufirit ishte ngjarje historike. Ai ka shtuar se kjo betejë ia pati humbur kontrollin ish-Jugosllavisë.
“Themelimi i UÇK-së është një nga ngjarjet me të rëndësishme të popullit shqiptar, ndërkaq Beteja e Koshares është ndër betejat më të lavdishme të luftës për çlirim. Jemi mbledhur sot në Kuvend për ta kujtuar këtë betejë historike dhe për t’i nderuar të gjithë dëshmorët e rënë në krye me heroin Agim Ramadani. Kjo betejë ishte sinonimi më i mirë i betimit të ushtarit të UÇK-së. Shembja e kufirit me çizmen e komandantit Agim Ramadani e Sali Çeku ishte nga ngjarjet më historike. Kjo betejë ia ndërroi fizionominë UÇK-së. Kjo betejë shënon një përbashkim të lartë kombëtar. Një gjithëpërfshirje e të gjitha trevave. Beteja e Koshares është betejë edhe me karakter ndërkombëtar jo vetëm pse ranë aty tre dëshmorë të huaj por edhe pse kjo betejë ia humbi përfundimisht kontrollin Jugosllavisë që vendosi dhunshëm kufirin mes shqiptarëve”, ka thënë ai.
Konjufca është shprehur se rruga e Kosovës për pavarësi e shtetësi është para së gjithash rezultat i heroizmit të popullit e luftëtarëve të Kosovës.
Osmani: Luftëtarët e UÇK-së realizuan ëndrrën shekullore të shqiptarëve
Kuvendi i Kosovës ka mbajtur seancë solemne në shënimin e 25-vjetorit të Betejës së Koshares. Deputetët...-
Beteja e Koshares vlerësohet si ngjarja që hapi rrugën për shtetësi e pavarësi
-
Haxhiu: Sali Çekaj jetoi dhe ra për të na bashkuar ne që na ndanë me dhunë
-
Thyerja e kufirit ndërshqiptar i dha tjetër epilog luftës
-
Krerët politikë bëjnë homazhe në Koshare
-
27-vjetori i betejës që e shembi kufirin ndërshqiptar