Kandidati i LDK-së për Obiliqin, Xhafer Gashi, ka dhënë dorëheqje nga të gjitha funksionet në këtë parti pas humbjes në zgjedhjet lokale.
“Falënderoj secilin prej juve edhe shumë të tjerë që s’janë prezentë këtu. Meqenëse jemi mundu me organizu, ndoshta nuk ia kemi dalë për arsye se dikun na kanë vjedhë atëherë unë si kryetar i degës së LDK-së në Obiliq e marr përgjegjësinë për humbjen dhe jap dorëheqje nga Këshilli i Përgjithshëm, nga kryesia e Lidhjes Demokratike dhe nga kryetar i nëndegës. Do të jem gjithmonë mbështetës i LDK-së”, ka thënë Gashi.
Gashi ishte kryetar i Obiliqit për 12 vjet.
Në balotazh u mposht nga Halil Thaçi i LVV-së.
