Partia Demokratike e Kosovës (PDK) synon ta fitojë garën për kryetar të Drenasit pa balotazh.
Kryetari I PDK-së, Memeli Krasniqi, ka thënë se me kandidatin Petrit Hajdari, balotazhin do ta heqin nga tradita e kësaj komune.
“Faleminderit nga zemra, Drenas! Sonte, në Drenas, përgjigjja ishte madhështore, e fuqishme dhe e njëzëshme: PDK është vetëm numri 191! PDK është vetëm Petrit Hajdari! Dhe më 12 tetor, balotazhin do ta heqim nga tradita e kësaj komune!”, ka shkruar Krasniqi në Facebook, në postimin ku i ka bashkëngjitur edhe disa fotografi nga tubimi i mbajtur në Drenas.
