Një molekulë e re e zhvilluar nga shkencëtarët e Universitetit shtetëror të Ohios mund të korrë energji nga i gjithë spektri i dukshëm i dritës, duke prodhuar deri në 50 për qind më shumë energji solare sesa qelizat aktuale solare, dhe gjithashtu mund ta katalizojë atë energji në hidrogjen, shkruan sot Koha Ditore.
Hidrogjeni është parë nga shumë fusha, veçanërisht në Japoni dhe Kore, si lëndë djegëse e pastër, e cila mund t’i furnizojë automjetet tona në një të ardhme me emetime të ulëta. Një mënyrë për të prodhuar hidrogjen është ndarja e tij nga uji. Kjo bëhet në mënyrë tipike duke i ndarë molekulat e ujit në hidrogjen dhe oksigjen duke përdorur energji elektrike, por një mënyrë potencialisht më e thjeshtë dhe më efikase për ta bërë këtë mund të jetë përmes ndarjes fotokatalitike të ujit, e cila e përdor vetë dritën si burim energjie në vend të energjisë elektrike, duke e larguar nga procesi prodhimin e energjisë elektrike.
Askush nuk ka arritur ta komercializojë prodhimin e hidrogjenit fotokatalitik, por ajo është një zonë e nxehtë e hulumtimit, dhe ky ekip i OSU pretendon se ka zbuluar një nga molekulat më efikase fotokatalitike deri më tani. Molekula e ka treguar një aftësi unike për ta përdorur dritën nga e djathta në të gjithë spektrin e dukshëm.
Aty ku shumica e fotokatalizatorëve të mëparshëm janë përqendruar në gjatësi valore ultravjollcë me energji të lartë, kjo molekulë mund ta kapë energjinë nga gjatësia ultravjollcë, përmes spektrit të dukshëm dhe deri në intervalin pothuajse infra të kuq, që do të thotë se mund të absorbojë deri në 50 për qind më shumë energji solare sesa qelizat aktuale solare. Shumë përpjekje të mëparshme, thonë studiuesit, e kanë humbur efikasitetin për shkak të përdorimit të tyre të dy ose më
shumë molekulave në katalizator. Energjia humbet në këto sisteme pasi që këto molekula i shkëmbejnë elektronet – që nuk është problem me zgjidhjen e OSU-së me një molekulë.
(Shkrimin e plotë mund ta lexoni sot në gazetën “Koha Ditore”)
