-
Përktheu:
Flutura Gashi-Mehmeti
- 18 dhjetor 2024 17:56
- Shpërndaje në:
Gjykata Supreme e SHBA-së është pajtuar të mërkurën që të përcaktojë nëse ndalimi i aplikacionit të mediave sociale TikTok shkel Amendamentin e Parë të Kushtetutës, duke shtuar një çështje të madhe në dosjen e saj këtë mandat, pak përpara se presidenti i zgjedhur, Donald Trump, të marrë detyrën.
Gjykata ka pranuar ta përshpejtojë çështjen dhe të dëgjojë argumentet më 10 janar, raporton CNN.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoApeli i TikTok-ut në Gjykatën Supreme i bën gjyqtarët pjesë të “një lufte” që po zhvillohet midis Kongresit, i cili ka përmendur shqetësimet e sigurisë kombëtare mbi kontrollin e aplikacionit nga Kina, dhe përdoruesve dhe drejtuesve të platformës, të cilët argumentojnë se ndalimi i saj shkel Amendamentin e Parë të Kushtetutës.
Kongresi e miratoi ndalimin me mbështetjen dypartiake në fillim të këtij viti teksa presidenti, Joe Biden e nënshkroi atë në ligj në prill.
Vendimi ka ardhur si përgjigje ndaj shqetësimeve prej vitesh në Washington se kompania mëmë kineze e TikTok përbën një rrezik për sigurinë kombëtare.
Në fillim të këtij muaji, një gjykatë federale e apelit në Washington, DC, mbështeti njëzëri ndalimin, në një vendim që thoshte se qeveria kishte një interes të sigurisë kombëtare në rregullimin e platformës në Shtetet e Bashkuara.