Inteli hyn në tregun e cloud gaming?

Gjatë vitit 2018, Inteli ka paraqitur kërkesë për patentën e cila e përshkruan një kontrollues të videolojërave, ndërsa patenta e cekur tani është publikuar, gjë që sugjeron se kompania ka plane të hyjë në tregun e cloud gamingut, raporton LetsGoDigital.

Vetë patenta nuk është fare e pazakonshme dhe nuk zbulon detaje në lidhje me funksionet e kontrolluesit. Ekzistojnë vetëm skica të modelit referues, të cilat tregojnë se fokusi i kontrolluesit do të jetë në multimedia dhe gaming. Kontrolluesi në krye e ka një touchpad në formë të DualShock 4, si dhe butonat për media në fund, dhe nuk duket tepër ergonomik.

Inteli aktualisht nuk ka plane ta krijojë shërbimin e vet për streaming të lojërave, por në vend të kësaj do t’i përdorë procesorët e vet Xeon dhe Iris Pro për ta funksionalizuar shërbimin e ri të Tencent për streaming të lojërave, të emërtuar Start, i cili është i destinuar për tregun kinez.

Tencent dhe Intel paralajmëruan partneritetin e tyre në fushën e shërbimeve cloud në nëntor të vitit 2018, tetë muaj pas paraqitjes së kërkesës për patentë, shruan KOHA Ditore. Kontrolluesi i ri i Intelit me siguri do të përdoret për shërbimin e lartpërmendur streaming dhe përvojën e pandërprerë të argëtimit të cilën do ta ofrojë platforma e Tencent.