Skuadrat kosovare të hendbollit të shtunën nisin me ndeshje evropiane.
Besa Famgas nga Peja dhe Vëllaznimi i Gjakovës paraqiten në Kupën Evropiane për hendbollistë, që është niveli i tretë kontinental.
Besa Famgas e pret skuadrën greke, Ionikos. Ndeshja e parë e raundit të parë të Kupës Evropiane zhvillohet të shtunën në Pejë nga ora 19:00.
Ndeshja e kthimit është më 19 shtator në Athinë.
Ndërkohë Vëllaznimi i Gjakovës përballet me Tallinna Nistra. Është pajtuar që dy ndeshjet t’i luajë në Estoni. Ndeshja e parë është të dielën nga ora 13:00, ndërsa e dyta të dielën në termin të njëjtë.