Futbollistët e Shqipërisë i kanë përfunduar të mërkurën mbrëma përgatitjet në Tiranë para nisjes për në Moldavi.
Kombëtarja e Shqipërisë zhvilloi stërvitjen e radhës në stadiumin “Air Albania”, ndërsa të enjten paradite do të udhëtojë drejt Chisinaut ku të premten nga ora 18:00 do të përballet me Moldavinë, në kuadër të grupit E kualifikues për “Euro 2024”.
Lajm i mirë është që Kombëtarja udhëton e kompletuar dhe që forma fizike e lojtarëve është shumë e mirë.
“E gjithë skuadra gëzon shëndet të plotë dhe është në formë mjaft të mirë fizike në prag të ndeshjes ndaj Moldavisë. Skuadra mori ngarkesë të plotë fizike, ndërsa stërvitja u fokusua më shumë te loja me top”, shkruan në njoftimin e FSHF-së.
Shqipëria pret rezultat pozitiv ndaj Moldavisë për ta siguruar për herë të dytë kualifikimin në Evropian.
Edhe
Shqipëria nis menjëherë përgatitjet për Ishujt Faroe
Ndeshjen e fundit do ta ketë më 20 nëntor në Tiranë ndaj Ishujve Faroe.
Shqipëria është e para në Grupin E me 13 pikë nga gjashtë ndeshje. Çekia është e dyta me 11 pikë nga gjashtë ndeshje. Polonia ka dhjetë pikë nga shtatë ndeshje në vendin e tretë. Pason Moldavia me nëntë pikë nga gjashtë ndeshje, ndërsa Ishujt Faroe tashmë janë eliminuar, pasi kanë vetëm një pikë.
