Trajneri i Dritës, Ardian Nuhiu, ka thënë pas ndeshjes se skuadra ka luajtur mirë, por që kundërshtari i pati vetëm dy mundësi dhe i shfrytëzoi. Ai ka përgëzuar lojtarët që i drejton për angazhimin deri në fundin e ndeshjes.
“Mendoj se djemtë kanë bërë maksimumin. Kundërshtari e fitoi lojën por nuk ishte më lartë se ne. I përgëzoj djemtë për luftën dhe mosdorëzimin deri në fund. Provuam që ta barazojmë rezultatin deri në fundin e ndeshjes por nuk ia arritëm. Në dy momente nuk ishim të përqendruar dhe na dënuan”, theksoi pas ndeshjes trajneri Nuhiu.
