Qendërmbrojtësi Eder Militao së shpejti do të firmosë kontratë të re me Real Madridin. “Marca” ka raportuar të premten se krerët e Realit tashmë i kanë ofruar kontratën e re Militaos, i cili parimisht është dakorduar ta firmosë.
Me kontratën e re, që pritet të zyrtarizohet së shpejti, Militao do të jetë pjesë e Realit deri në vitin 2026. Kontrata aktuale i skadon Militaos në vitin 2025, por te Reali duan ta mbajnë brazilianin më gjatë në ekip pas paraqitjeve të mira.
24-vjeçari në 44 ndeshje në të gjitha garat këtë edicion ka shënuar edhe dy gola e ka bërë tri asistime. Ai është pjesë e Realit prej vitit 2019, kur iu bashkua nga Porto.
Artikuj të ngjashëm