Lonisa Reka po e përfaqëson Kosovën në Kampionatin Botëror U17 në mundje. Botërori po mbahet në Stamboll të Turqisë, ndërsa Lonisa e nisi të mërkurën garimin në kategorinë deri 49 kilogramë. Në xhiron e parë e mposhti mundësen e Gjermanisë, Eleni Zagliveri.
Ndaj saj fitoi me ndërprerje, përkatësisht me rezultatin 7:4. Me fitore, Lonisa siguroi kalimin në çerekfinale.
Përballë në luftën e dytë e kishte rusen Sviatlana Katenka, që garon si e pavarur. Katenka shfaqi më shumë dhe fitoi 12:2. Mundësja ruse e kaloi edhe gjysmëfinalen, duke fituar 10:1 ndaj amerikanes Heather Marie Crull. Kështu e tërhoqi në repesazh Lonisa Rekën.
Të enjten Lonisa Reka e Heather Marie Crull përballen për medalje të bronztë. Në finale, Katenka përballet me një mundëse nga Japonia. Medalja eventuale në Botëror do të ishte sukses shumë i madh për mundjen kosovare. Lonisa Reka është anëtare e klubit të mundjes Kaçaniku, ndërsa trajner e ka Ferat Ramadanin. Kaçaniku është qendër e rëndësishme e mundjes kosovare.
-
Mundje, Lonisa Reka përfundon e pesta në Botërorin U17
-
Lijana Iseni në finale, Aid Curri fiton medalje të bronztë në Evropianin për karateistë të rinj
-
Fortesa e bindur se do ta fitojë të bronztën në Evropian
-
16-vjeçaret që me sportin e mundjes po krenojnë Kaçanikun
-
Lonisa Reka, sportistja më e mirë e re për vitin 2023