Paul Pogba është lënduar në gju. Lajmin e ka bërë të ditur vet klubi italian të hënën.
Ish-lojtari i Manchester Unitedit gjatë një seance stërvitore në Los Angeles ku edhe po përgatitet Juventusi, është ankuar për probleme me gjurin e djathtë.
Te Juventusi nuk kanë bërë të ditur nëse Pogba do t’i nënshtrohet ndonjë operimi.
“Pas ankesave për dhimbje të gjurit të tij të djathtë, Paul Pogba i është nënshtruar ekzaminimeve radiologjike që zbuluan një lëndim të meniskut anësor”, thuhet në deklaratën e klubit.
Pogba javë më parë u kthye te Juventusi, klub me të cilin ka nënshkruar kontratë deri në qershor të vitit 2026.