Krerët e Interit po synojnë transferimin e mbrojtësit Kalidou Koulibaly për sezonin e ardhshëm.
“Gazzetta dello Sport” ka shkruar të premten se Interi po e monitoron situatën e senegalezit te skuadra e Chelseat.
Koulibaly nuk ka pasur hapësirë të madhe këtë sezon dhe Interi në verë do të tentojë ta bindë Chelsean në lirimin e tij.
Ai tek Interi po shihet si zëvendësim ideal për sllovakun Milan Skriniar, i cili do t’i bashkohet Paris Saint-Germainit.
Koulibaly ka 23 paraqitje këtë sezon te Chelsea, ekip të cilit iu bashkua vitin e shkuar nga Napoli.
Ai ka kontratë me skuadrën londineze deri në vitin 2026, me opsionin e vazhdimit edhe për një vit tjetër.
