Drilon Hajrizi është zgjedhur lojtari më i vlefshëm i Kupës së Kosovës në basketboll. Ai udhëhoqi Trepçën në finalen ndaj Prishtinës, të dielën mbrëma në Rahovec.
Por sipas Hajrizit, Trepça ka ndjerë se po luan në Mitrovicë.
Gjysma e sallës ishte e mbushur me shikues nga Mitrovica, që i dhanë përkrahje të madhe skuadrës.
“Po ndihem më së shumti mirë që prej moshës 16-vjeçare vazhdimisht kam luftuar për trofe. Jam shumë i kënaqur për Kupën e fituar. Sonte kemi luajtur në Mitrovicë, jo në Rahovec. Përkrahja ishte shumë e madhe, tifozët nuk na kanë lënë të dorëzohemi, të ndalemi për asnjë moment. Jam i lumtur me punën që po e bëjmë, me energjinë e skuadrës. Po besoj se do të vazhdojmë kështu”, ka theksuar Hajrizi.
Artikuj të ngjashëm