Skuadra e Borussia Dortmundit ka shprehur interesim të madh për Robin Gosensin e Interit.
“Calciomercato” të premten ka shkruar se Dortmundi tashmë i ka bërë ofertë zyrtare ekipit italian për mbrojtësin e krahut.
Mësohet se Dortmundi po kërkon transferimin e Gosensit në janar dhe për kartonin e tij, ka ofruar në shkëmbim mesfushorin Emre Can.
Gosens pritet të largohet në fillim të vitit të ardhshëm nga Interi, pasi nuk bën pjesë në planet e trajnerit Simone Inzaghi.
28-vjeçari është rezervist këtë edicion dhe deri më tani ka shënuar një gol në 14 paraqitje. Ai ka kontratë me Interin deri në vitin 2026.
