Mesfushori ofensiv, japonezi Takefusa Kubo pritet që karrierën ta vazhdojë në Premier League të Anglisë. “Fichajes” ka raportuar të enjten se Kubo sipas të gjitha gjasave do të jetë pjesë e Manchester Cityt prej edicionit të ardhshëm.
Thuhet se City është favorit për 22-vjeçarin, i cili po kërkohet edhe nga Manchester Unitedi e Real Madridi. Në fakt, City ka njoftuar Real Sociedadin se do ta paguajë klauzolën e lirimit për Kubon që është në vlerë prej 50 milionë eurove.
Kubo vitin e shkuar iu bashkua Sociedadit, ndërsa këtë edicion po shkëlqen me ekipin spanjoll. Ka shënuar 6 gola dhe ka asistuar 4 herë në 23 paraqitje në të gjitha garat. Ai ka kontratë me Sociedadin deri në verën e vitit 2027.
