Te Brentfordi janë të vendosur për ta mbajtur Christian Eriksenin në ekip për një periudhë sa më të gjatë. “Sky Sport” ka njoftuar të premten se drejtuesit e klubit i kanë ofruar Eriksenit kontratë deri në vitin 2025 për ta vazhduar bashkëpunimin.
Mesfushori danez iu bashkua Brentfordit në fillim të këtij viti si lojtar i lirë pas kolapsimit që e pësoi në “Euro 2020” dhe firmosi kontratë deri në fund të muajit qershor.
Paraqitjet e mira me fanellën e Brentfordit kanë detyruar krerët e klubit që t’i ofrojnë atij kontratë me kushte dukshëm më të mira.
30-vjeçari shënoi një gol dhe asistoi katër herë në 11 paraqitje në Premier League për Brentfordit. Krahas Bretfordit, interesim për Eriksenin kanë shfaqur edhe Tottenhami e Manchester Unitedi.
