Liam Smith ka bërë befasi, duke e nokautuar të shtunën mbrëma Chris Eubank Jr. në përballjen e dy yjeve britanikë të boksit.
Përballja e kategorisë së mesme në boks përfundoi me fitore të Smithit me nokaut teknik në rundin e katërt.
Smith e rrëzoi Eubank Jr dy herë në rundin e katërt, duke shkaktuar befasi në “Manchester Arena”.
Për Smithin, ish-kampion bote në kategorinë supervelter, ishte fitorja e 33-të në boksin profesionist (20 KO) karshi tri humbjeve e një barazimi.
34-vjeçari karrierën në boksin profesionist e ka filluar në tetor të vitit 2008.
Eubank Jr. ka pësuar humbjen e tretë në karrierë karshi 32 fitoreve.
33-vjeçari, i biri i legjendës Chris Eubank, ishte paraparë të ndeshej me Conor Bennin, të birin e legjendës tjetër britanike të boksit Nigel Benn. Por, Conor Benn u kap me doping, kështu që u desh të shtyhej meçi. Përballja me Smithin nuk ishte vlerësuar se do të ishte problem për Eubank Jr. Por, ai u shtang.
Edhe
Beterbiev nokauton Smithin, mbron titujt e botës
Eubank Jr. pas meçit e ka përgëzuar Smithin. Ai ka thënë se referi ka nxituar ta ndërpresë meçin, por ka përgëzuar Smithin për luftën.
Eubank Jr planifikon ta aktivizojë klauzolën për një rimeç, e cila ishte në kontratë.
