Trajneri i ekipit Prizreni-16, Arbnor Rifati është bërë pjesë e shtabit teknik të Përfaqësueses së Kosovës në basketboll.
Federata e Basketbollit të Kosovës (FBK), ka njoftuar të martën se Rifati është emëruar ndihmëstrajner i përzgjedhësit Christos Marmarinos.
Kosova më 25 nëntor do të luajë me Norvegjinë në udhëtim, ndërsa tre ditë më vonë e pret Danimarkën në shtëpi, ndeshje këto që do të zhvillohen në kuadër të parakualifikimeve për “Eurobasket 2025”.
