Përfaqësuesja U20 e Kosovës në basketboll ka regjistruar edhe humbjen e tretë në po aq ndeshje të zhvilluara në Kampionatin Evropian të Divizionit B që po mbahet në Tbilisi të Gjeorgjisë.
Kosova, të martën pësoi humbje të thellë nga Gjeorgjia me rezultatin 92:59. Dy çerekët e para të ndeshjes ishin të barabartë, pasi skuadrat shkuan në pushim me shifrat 38:35 në favor të Gjeorgjisë.
Megjithatë, dallimi u bë në dy çerekët e fundit, ku Gjeorgjia dominoi totalisht për ta mposhtur bindshëm Kosovën.
Te Kosova, i vetmi me pikë dyshifrore ishte fundori Don Polloshka që ndeshjen e mbylli me 11 pikë të shënuara, ndërsa nga shtatë sosh shtuan Visar Ejupi, Rron Dahsyla e Fatlind Shoshaj.
Te Gjeorgjia më i dalluari ishte Nikoloz Gaprindashvili (17 pikë).
Para Gjeorgjisë, Kosova është mposhtur edhe nga Suedia (81:69) e Maqedonia e Veriut (85:67). Zë vendin e fundit në Grupin B me vetëm tri pikë kurse të mërkurën përballet me Përfaqësuesen e Austrisë.
-
Basketboll, Kosova U20 pëson humbje nga Gjeorgjia
-
Basketboll, Kosova U20 e mbyll Evropianin me humbje të thellë
-
Basketboll, 20-vjeçarët e Kosovës pësojnë thellë nga Maqedonia e Veriut
-
Kosova U20 vetëm e 18-ta në Evropianin B me 21 përfaqësuese
-
Kosova U20 e mposht Gjeorgjinë në Evropianin e Divizionit B