Ademi shënon gol të bukur në Suedi

Albion Ademi ka shënuar gol shumë të bukur në elitën e futbollit të Suedisë.

Sulmuesi 24-vjeçar, ka realizuar njërin prej dy golave që i shënoi skuadra e tij, Varnamo, në fitoren në udhëtim te Degerforsi.

Ndeshja i ka takuar xhiros së 13-të të “Allsvenskan” të Suedisë.

Ademi në minutën e 25-të, në mënyrë të përkryer u shmang nga një kundërshtar në zonë, dhe e plasoi topin prapa shpinës së portierit kundërshtar.

Për të ishte goli i parë i edicionit.

Varnamo ka grumbulluar 15 pikë në 13 ndeshje.