Albion Ademi do të largohet nga Djurgardeni, ndërsa pritet shumë shpejt të zyrtarizohet te skuadra e Varnamos që bën gara në “Allsvenskan” të Suedisë.
Kështu ka shkruar të enjten mediumi suedez “SportExpressen”.
Ademi iu bashkua Djurgardenit në vitin 2021, por nuk ka gjetur vend në formacionin e këtij ekipi. Ai u huazua te skuadra finlandeze Lahti në vitin 2022.
Edhe në Finlandë nuk u ambientua.
Tani kosovari do të huazohet sërish te Varnamo, që do ta ketë opsionin e blerjes përfundimtare të 23-vjeçarit që luan si sulmues krahu.
Artikuj të ngjashëm