Shqiptarja me famë botërore, Rita Ora, ka mbuluar ballinën e revistës prestigjioze, "Marie Claire", në versionin spanjoll.
Lajmin e kanë bërë të ditur drejtuesit e revistës, përmes një postimi të përbashkët me yllin, në rrjetin social Instagram.
Postimi i revistës fillon me fjalët ku Ora tregon se gjithë jetën ka dashur të bëhet këngëtare.
“U bëra e obsesionuar me modën, muzikën dhe çdo lloj argëtimi. Gjëja e vetme që doja të bëja ishte të argëtoja”, ka thënë këngëtarja.
Në këtë intervistë ekskluzive të revistës, të numrit të muajit gusht, Ora flet për karrierën dhe rëndësinë e shëndetit mendor.
Edhe
Rita Ora tregon se është obsesionuar pas të bërit jetë të shëndetshme
“Faleminderit 'Marie Claire Espana' që më vendosët mua në ballinën më të fundit. Shikoni fotografitë për të parë lëvizjet e mia të stilit flamenco”, ka shkruar në një tjetër postim Ora.
Ende nuk dihet data e publikimit të intervistës së plotë.
