Taylor Swifti është paditur nga parku zbavitës Evermore në Shtetet e Bashkuara, zyrtarë të të cilit thonë se albumi i fundit i yllit, ka shkelur markën tregtare duke përdorur të njëjtin emër.
Pronari i parkut ka thënë se lansimi i albumit Evermore nga Swift, ka shkaktuar konfuzione nëse kishte lidhje me parkun.
Parku nga Utah ka raportuar “rënie dramatike” në faqen e tij të internetit pas publikimit të albumit.
Ndërsa avokatët e Swiftit janë përgjigjur që diçka e tillë nuk ka bazë.
Ata shkruan në një letër të depozituar në gjykatë: "Për më tepër, klienti juaj nuk ka pësuar asnjë dëm dhe në fakt, ka deklaruar haptas se lëshimi i albumit të znj. Swift krijon një 'mundësi marketingu' për parkun”.
Letra u drejtohet akuzuesve si ‘mendjelehtë dhe të papërgjegjshëm’.
Por pronari i parkut i cili po kërkon miliona dollarë dëmshpërblim ka thënë se emri i takon markës së tij tregtare dhe Swift e ka shkelur atë që kur filloi ta shiste albumin.
Në çështjen e depozituar në Gjykatën të Qarkut në Utah, pronari tha se kishte shpenzuar miliona dollarë në atraksionin, i cili u hap më 2018.
Edhe
Taylor Swift paditet për shkelje të markës tregtare nga një artiste në Las Vegas
Në dhjetor, pronari i kishte shkruar ekipit juridik të Swift për të thënë se ishte "i hapur për të diskutuar kushtet e arsyeshme për ndërprerjen e përdorimit" të markës tregtare.
Evermore, i cili u lansua më 10 dhjetor, ishte albumi i dytë surprizë i Swift në vitin 2020 dhe u përshkrua si një "album motër" për Folklore, i cili doli në korrik.
Të dy albumet u vlerësuan të suksesshme, këngët e të cilave kryesuan top listat në Mbretërinë e Bashkuar dhe SHBA.
