-
Përktheu:
Vita Abrashi-Kajtazi
- 2 qershor 2025 12:40
- Shpërndaje në:
Aktorja Eiza Gonzalez, e cila në vitin 2020 pati një romancë të shkurtër me aktorin e njohur, Timothée Chalamet, ka rrëfyer se është “e fiksuar” pas lidhjes së tij të re me, yllin televiziv, Kylie Jenner, dhe e vlerëson si çift “shumë të ëmbël dhe të dashuruar”.
Gjatë pjesëmarrjes në serinë me video të revistës Cosmopolitan, “Cheap Shots”, Gozales ka folur hapur për ndjenjat e saj, ka raportuar PageSix.
“Duken kaq të ëmbël bashkë. Duken shumë të dashuruar dhe shumë të ëmbël, jam e fiksuar pas tyre, dhe unë e dua Timmyn!”, ka thënë ajo.
Aktorja me origjinë meksikane, tashmë 35 vjeçe, foli mirë për Chalametin, i cili është 29 vjeç dhe protagonist në filmat “Dune” dhe “Wonka”.
“Mendoj se ai është djali më i talentuar dhe më i ëmbël, sinqerisht, më i ëmbli. Jam shumë krenare që po shkëlqen në karrierë dhe po i ecën aq mirë. Ne kemi mbetur thjesht miq të mirë. Nuk kam asgjë tjetër veçse fjalë të mrekullueshme për të”, ka thënë ajo.
Gonzales dhe Chalamet u panë për herë të parë së bashku në muajin qershor të vitit 2020, gjatë një pushimi në Cabo San Lucas të Meksikës, por lidhja e tyre përfundoi brenda vitit.
Ndërkohë, Chalamet është në lidhje me Kylie Jenner që nga muaji prill i vitit 2023.
“Duhet të them se është shumë e ëmbël. Është shumë e sjellshme me mua”, pati deklaruar ai në një intervistë për Curbed
Jenner, e cila ka dy fëmijë me ish-partnerin e saj, reperin Travis Scott, ka qenë pranë të dashurit të saj gjatë gjithë sezonit të ndarjes së çmimeve në Hollywood. Megjithatë, kohët e fundit ajo e ka theksuar dëshirën për të ruajtur më shumë privatësinë.
“Interneti është i mrekullueshëm sepse aty e kam nisur biznesin tim. Më ka ndihmuar të lidhem me adhuruesit, por tani mendoj se gjithçka ka të bëjë me gjetjen e balancës. Ka edhe një anë të errët. Është fjala për të ditur se ku të vendosësh kufijtë”, pati thënë ajo në një intervistë për HommeGirls.
Për sa i përket mënyrës se si e kalon kohën, themeluesja e brendit të produkteve të bukurisë, “Kylie Cosmetics”, ka theksuar se i pëlqen jeta e qetë.
“E vlerësoj shumë kohën time. Zakonisht i ftoj miqtë e mi për darkë në shtëpi, ose shkoj te ndonjë mik, ose kur dalim, mblidhemi dhe bëhemi gati së bashku në shtëpi”, ka thënë ajo.
