-
Përktheu:
Vita Abrashi-Kajtazi
- 18 gusht 2025 23:40
- Shpërndaje në:
Ylli televiziv, Kylie Jenner, ka reaguar “tërthorazi” ndaj thashethemeve për ndarjen me aktorin Timothée Chalamet, pasi ai mungoi në ditëlindjen e saj të 28-të, ka shkruar E News.
Kur aktori publikoi trailerin e filmit të tij të ri “Marty Supreme” ditë më parë, Jenner nuk hezitoi t’i bëjë “like”, gjë që ka treguar se marrëdhënia e tyre është ende e qëndrueshme.
Arsyeja e mungesës së Timothée në festë ishte angazhimi i tij në xhirimet e filmit “Dune: Part Three” në Budapest, Hungari.
Ndërkohë, Jenner e festoi ditëlindjen me një aktivitet interesant me miqtë.
“Ditëlindja më e mirë ndonjëherë. Jam shumë mirënjohëse për familjen dhe miqtë e mi që e bënë këtë fundjavë kaq të veçantë dhe plot dashuri. 28-ës i shkon shumë mirë!!!!! Motra ime @kendalljenner, faleminderit nga zemra për organizimin perfekt. Jam me fat që të kam”, ka shkruar ajo në Instagram më 11 gusht.
Edhe
Ish-e dashura e Chalamet “e fiksuar” pas lidhjes së tij me Kylie Jenner
Vetëm një muaj më parë, Jenner dhe Chalamet, 29 vjeç, shijuan një pushim romantik në Saint-Tropez, duke u parë të lumtur teksa shëtisnin në plazhin Pampelonne. Dyshja u lidh për herë të parë në muajin prill të vitit 2023, por kanë zgjedhur ta mbajnë marrëdhënien larg syrit të publikut.
“Mendoj se është e rëndësishme të mbash disa gjëra për vete. Ndonjëherë është e vështirë për mua të marrë vendime vetëm, kështu që opinioni i gjithë botës… mund të jetë i rëndë”, ka thënë Jenner për revistën Elle në muajin tetor të vitit të kaluar.
Ajo që nuk e fsheh kurrë është dashuria për rolin e saj si nënë.
Jenner, e cila ka dy fëmijë me ish-partnerin Travis Scott, Stormi, 7 vjeçe, dhe Aire, 3 vjeç, ka treguar për British Vogue se Stormi nuk ishte e planifikuar.
“Ndodhi, por e dija që doja ta kisha. E doja aq shumë faktin të kisha fëmijë”, ka thënë ajo.
Edhe
Kylie Jenner po orientohet më shumë kah shtëpia
Për të, Stormi dhe Aire janë forca më e madhe.
“Pavarësisht çfarë kaloj, si dukem apo çfarë shkruan interneti për mua atë ditë, unë kthehem në shtëpi dhe fëmijët e mi më duan pa kushte. Ata janë të fiksuar pas meje dhe kjo më ka mësuar të eci më lehtë në jetë”, ka thënë Jenner.
